07.09.2018

ओम्।।।।।।।।।।।।।
नमस्कार त्वहि सारिनीय म्योन
अज़ परव ॳस्य कॆह तिम शब्द यिम कशीरि मंज़ ॴस्य यिवान वनॖनॖ अक्सर मसलन....
कांगॖर, च़ॖनि, त्यॊंगुल, ज़्युन, सूर, च़ालन, कांगरि-ख्वर, क्वंडुल, कांगरि-च़ॊक, च़ालनि-रज़, कानिव-कांगॖर, च़्रारॖच-कांगॖर, रॊनिदार-कांगॖर, ज़्यतॖ, कांगरि वॊखुल करुन, रंगॖदार-कांगॖर, अख वॊहॊव ओस यिवान कडनॖ "च़्यॆ कांगॖर प्यॆन", कांगॖर फेरॖन माने नारॖदार कांगॖर राथक्युत बिस्तरस मंज़ प्यॆन्य। या कुनि कुनि सातॖ सूरॖ-कांगरॖय बिस्तरस मंज़ दुबॖ फेरॖन्य। कांगरि-जोश तपुन। कांगॖर बॆबिस मंज़ ह्यॆन्य। तनॖज़ करुन ओस कांगॖर नऻल्य छ़ॖनॖन्य। मुहावरॖ अख छु "रठ म्यऻन्य कांगॖर तॖ वुछ म्यऻन्य टॖख"
माने कुनि कामि जल-जल अंद वातॖनावुन। कांगरि फॊख द्युन। त्यॊंगुल ज़्यॆवरावुन। नारॖ-जोशा तपुन।
*************************
अज़ गव यूतुय। याद कऺरिव।
Today's lesson is over.
Remember...
*************************
नऺविव तॖ फोलिव
   भूषण कौल "दीप"
(बूज़िव ॳज़्युक सबक़ म्यानि ज़्यॆवि ति)
(वुछिव kaeshirzabaan.blogspot.com ति)